ਨਗਰ ਨਿਗਮ ਵਲੋਂ ਵੱਖ-ਵੱਖ ਥਾਵਾਂ ਤੇ ਕਰਵਾਈ ਸਵੱਛਤਾ ਰੈਂਕਿੰਗ

·       ਸ਼ਹਿਰ ਵਾਸੀਆਂ ਨੂੰ ਆਪਣਾ ਆਲਾ-ਦੁਆਲਾ ਸਾਫ਼ ਰੱਖਣ ਦੀ ਕੀਤੀ ਅਪੀਲ

·       ਸਵੱਛਤਾ ਰੈਂਕਿੰਗ ਚ ਲਾਰਡ ਰਾਮਾਂ ਪਬਲਿਕ ਸਕੂਲ ਨੇ ਕੀਤਾ ਪਹਿਲਾ ਸਥਾਨ ਹਾਸਲ

          ਬਠਿੰਡਾ, 23 ਦਸੰਬਰ : ਭਾਰਤ ਸਰਕਾਰ ਵਲੋਂ ਚਲਾਏ ਜਾ ਰਹੇ “ਸਵੱਛ ਭਾਰਤ ਮਿਸ਼ਨ” ਅਧੀਨ ਕਰਵਾਏ ਜਾ ਰਹੇ ਸਵੱਛਤਾ ਸਰਵੇਖਣ-2023 ਦੀਆਂ ਹਦਾਇਤਾਂ ਅਨੁਸਾਰ ਕਮਿਸ਼ਨਰ ਨਗਰ ਨਿਗਮ ਸ਼੍ਰੀ ਰਾਹੁਲ ਦੇ ਦਿਸ਼ਾ-ਨਿਰਦੇਸ਼ਾਂ ਹੇਠ ਨਗਰ ਨਿਗਮ ਵਲੋਂ ਸ਼ਹਰ ਦੇ ਵੱਖ-ਵੱਖ ਹੋਟਲਾਂ, ਹਸਪਤਾਲਾਂ, ਸਕੂਲਾਂ, ਸਰਕਾਰੀ ਦਫ਼ਤਰਾਂ, ਮੁਹੱਲਾ ਸੁਧਾਰ ਕਮੇਟੀਆਂ ਅਤੇ ਮਾਰਕਿਟ ਐਸੋਸੀਏਸ਼ਨਾਂ ਦਾ ਸਵੱਛਤਾ ਰੈਂਕਿੰਗ ਕਰਵਾਇਆ ਗਿਆ।

          ਕਰਵਾਏ ਗਏ ਸਵੱਛਤਾ ਰੈਂਕਿੰਗ ਦਾ ਨਤੀਜਾ ਘੋਸ਼ਿਤ ਕਰਦਿਆਂ ਕਮਿਸ਼ਨਰ ਨਗਰ ਨਿਗਮ ਸ਼੍ਰੀ ਰਾਹੁਲ ਨੇ ਦੱਸਿਆ ਕਿ ਲਾਰਡ ਰਾਮਾਂ ਪਬਲਿਕ ਸਕੂਲ ਪਹਿਲੇ ਸਥਾਨ ਤੇ ਰਿਹਾ। ਇਸੇ ਤਰ੍ਹਾਂ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਪਰਸ ਰਾਮ ਨਗਰ ਦੂਸਰੇ ਅਤੇ ਗੁੱਡਵਿੱਲ ਪਬਲਿਕ ਸਕੂਲ ਤੀਸਰੇ ਸਥਾਨ ਤੇ ਰਹੇ। ਇਸੇ ਤਰ੍ਹਾਂ ਸਰਕਾਰੀ ਦਫ਼ਤਰਾਂ ਚ ਕ੍ਰਮਵਾਰ ਇਨਕਮ ਟੈਕਸ ਪਹਿਲੇ, ਜ਼ਿਲ੍ਹਾ ਡਿਫ਼ੈਸ ਸਰਵਿਸ ਵੈਲਫ਼ੇਅਰ ਦੂਸਰੇ ਅਤੇ ਜ਼ਿਲ੍ਹਾ ਮੰਡੀ ਬੋਰਡ ਦਫ਼ਤਰ ਤੀਸਰੇ ਸਥਾਨ ਤੇ ਰਹੇ।

          ਉਨ੍ਹਾਂ ਅੱਗੇ ਹੋਰ ਦੱਸਿਆ ਕਿ ਵਿਨਕੇਅਰ ਹਸਪਤਾਲ ਪਹਿਲੇ, ਗੁਪਤਾ ਹਸਪਤਾਲ ਦੂਸਰੇ ਅਤੇ ਆਸ਼ੀਰਵਾਦ ਹਸਪਤਾਲ ਤੀਸਰੇ ਨੰਬਰ ਤੇ ਰਹੇ। ਇਸੇ ਤਰ੍ਹਾਂ ਕਮਫੋਰਟ ਇਨ ਹੋਟਲ ਪਹਿਲੇ, ਸਫ਼ਾਇਰ ਹੋਟਲ ਦੂਸਰੇ ਤੇ ਬਾਹੀਆ ਫੋਰਟ ਤੀਸਰੇ ਸਥਾਨ ਤੇ ਰਹੇ। ਉਨ੍ਹਾਂ ਕਿਹਾ ਕਿ ਮਾਰਕਿਟ ਐਸੋਸੀਏਸ਼ਨ ਵਿੱਚੋਂ ਨਿਊ ਹੋਲ ਸੇਲ ਕਲਾਥ ਮਾਰਕਿਟ ਪਹਿਲੇ, ਪੋਸਟ ਆਫ਼ਿਸ ਮਾਰਕਿਟ ਦੂਸਰੇ ਤੇ ਧੋਬੀ ਬਜ਼ਾਰ ਨੇ ਤੀਸਰਾ ਸਥਾਨ ਪ੍ਰਾਪਤ ਕੀਤਾ। ਇਸੇ ਤਰ੍ਹਾਂ ਆਰ.ਡਬਲਿਯੂ.ਏ ਚੋਂ ਗਣਪਤੀ ਅਸਟੇਟ ਪਹਿਲੇ, ਗਰੀਨ ਸਿਟੀ ਦੂਸਰੇ ਅਤੇ ਵਿਰਾਟ ਗਰੀਨ ਵੈਲਫ਼ੇਅਰ ਸੋਸਾਇਟੀ ਤੀਸਰੇ ਸਥਾਨ ਤੇ ਰਹੇ।

          ਇਸ ਮੌਕੇ ਕਮਿਸ਼ਨਰ ਨਗਰ ਨਿਗਮ ਸ਼੍ਰੀ ਰਾਹੁਲ ਨੇ ਹੋਰ ਦੱਸਿਆ ਕਿ ਜਿਨ੍ਹਾਂ ਸੰਸਥਾਵਾਂ ਦੇ ਅੰਕ ਬਰਾਬਰ-ਬਰਾਬਰ ਰਹੇ ਹਨ ਉਨ੍ਹਾਂ ਦੀ ਪੁਜ਼ੀਸ਼ਨ ਵੀ ਬਰਾਬਰ ਰਹੀ ਹੈ। ਉਨ੍ਹਾਂ ਸ਼ਹਿਰ ਵਾਸੀਆਂ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਆਪਣਾ ਆਲਾ-ਦੁਆਲਾ ਸਾਫ਼ ਰੱਖਣ ਅਤੇ ਸ਼ਹਿਰ ਵਿੱਚ ਕੂੜਾ ਇਕੱਠਾ ਕਰਨ ਵਾਲੀਆਂ ਗੱਡੀਆਂ ਵਿੱਚ ਗਿੱਲਾ ਤੇ ਸੁੱਕਾ ਕੂੜਾ ਅਲੱਗ-ਅਲੱਗ ਕਰਕੇ ਪਾਇਆ ਜਾਵੇ ਤਾਂ ਜੋ ਕੂੜੇ ਦਾ ਸਹੀ ਨਿਪਟਾਰਾ ਹੋ ਸਕੇ ਅਤੇ ਸਵੱਛਤਾ ਸਰਵੇਖਣ-2023 ਵਿੱਚ ਬਠਿੰਡਾ ਸ਼ਹਿਰ ਨੂੰ ਹੋਰ ਬੇਹਤਰ ਸਥਾਨ ਪ੍ਰਾਪਤ ਹੋ ਸਕੇ।