ਕੱਦ ਨਹੀਂ ਹੌਂਸਲਾ ਦੇਖੀ …….ਸ਼ਯੋਪਤ ਦਾਦਾ ਦਾ ਕੱਦ ਸਿਰਫ 3 ਫੁੱਟ , ਪਰ ਟੀਚਾ ਆਈਏਐਸ ਬਣਨਾ

ਗਰੀਬ ਹੋਣ ਦੇ ਬਾਵਜੂਦ ਵੀ ਹੌਸਲੇ ਬੁਲੰਦ, ਮੁੱਛਾਂ ਕੁੰਡੀਆਂ
ABOHAR (ਬਲਰਾਜ ਸਿੰਘ ਸਿੱਧੂ ) ਕਹਿੰਦੇ ਹਨ ਕਿ ਜੇਕਰ ਤੁਹਾਡੇ ਹੌਂਸਲੇ ਬੁਲੰਦ ਹਨ ਤਾਂ ਰਸਤੇ ਵਿੱਚ ਆਉਣ ਵਾਲੀਆਂ ਲੱਖਾਂ ਮੁਸ਼ਕਿਲਾਂ ਵੀ ਤੁਹਾਨੂੰ ਤੁਹਾਡੀ ਮੰਜ਼ਿਲ ਤੱਕ ਪਹੁੰਚਣ ਤੋਂ ਨਹੀਂ ਰੋਕ ਸਕਦੀਆਂ। ਇਹੀ ਵਾਕ ਸ਼ੀਓਪਤ ਦਾਦਾ ’ਤੇ ਸਹੀ ਬੈਠਦਾ ਹੈ, ਜੋ 3 ਫੁੱਟ ਲੰਬਾ ਹੈ ਅਤੇ ਉਪ ਮੰਡਲ ਅਬੋਹਰ ਦੇ ਪਿੰਡ ਝੋਰਖੇੜਾ ਦਾ ਰਹਿਣ ਵਾਲਾ ਹੈ। ਜੋ ਆਪਣੇ ਛੋਟੇ ਕੱਦ ਦੇ ਬਾਵਜੂਦ ਆਈਏਐਸ ਬਣਨ ਦੇ ਸੁਪਨੇ ਨਾਲ ਨਵੀਆਂ ਉਚਾਈਆਂ ਨੂੰ ਛੂਹਣ ਦੀ ਹਿੰਮਤ ਰੱਖਦਾ ਹੈ। ਪਿੰਡ ਝੋਰਖੇੜਾ ਦੇ ਵਸਨੀਕ ਸ਼ਿਓਪਤ ਦਾਦਾ ਪੁੱਤਰ ਦੌਲਤਰਾਮ ਦਾ ਕੱਦ ਕਰੀਬ 3 ਫੁੱਟ ਹੈ ਪਰ ਉਸ ਦੇ ਹੌਸਲੇ ਬੁਲੰਦ ਹਨ। ਆਪਣੇ ਛੋਟੇ ਕੱਦ ਦੇ ਬਾਵਜੂਦ, ਸ਼ਿਓਪਤ ਦਾਦਾ ਆਪਣੀ ਗ੍ਰੈਜੂਏਸ਼ਨ ਪੂਰੀ ਕਰਨ ਤੋਂ ਬਾਅਦ ਆਈਏਐਸ ਬਣਨ ਦੇ ਸੁਪਨੇ ਨੂੰ ਪਾਲ ਰਿਹਾ ਹੈ। ਸ਼ਿਓਪਤ ਰਾਮ ਨੇ ਦੱਸਿਆ ਕਿ ਉਸ ਦੀਆਂ 5 ਭੈਣਾਂ ਅਤੇ 2 ਭਰਾ ਹਨ। ਉਸ ਦੇ ਮਾਪੇ ਬਹੁਤ ਗਰੀਬ ਹਨ ਅਤੇ ਦਿਹਾੜੀ ਕਰਕੇ ਹੀ ਘਰ ਦਾ ਖਰਚਾ ਚਲਾਉਂਦੇ ਹਨ। ਉਸ ਦੀਆਂ ਤਿੰਨ ਭੈਣਾਂ ਵਿਆਹੀਆਂ ਹੋਈਆਂ ਹਨ, ਜੋ ਉਸ ਦੀ ਪੜ੍ਹਾਈ ਦਾ ਖਰਚਾ ਚੁੱਕਦੀਆਂ ਹਨ। ਉਸ ਨੇ ਮੁੱਢਲੀ ਸਿੱਖਿਆ ਪੂਰੀ ਕਰਨ ਤੋਂ ਬਾਅਦ ਗ੍ਰੈਜੂਏਸ਼ਨ ਦੀ ਡਿਗਰੀ ਹਾਸਲ ਕੀਤੀ ਹੈ ਅਤੇ ਹੁਣ ਉਹ ਸ਼੍ਰੀਗੰਗਾਨਗਰ ਵਿੱਚ ਆਈਏਐਸ ਬਣਨ ਲਈ ਕੋਚਿੰਗ ਲੈ ਰਿਹਾ ਹੈ। ਸ਼ਿਓਪਤ ਦਾਦਾ ਦਾ ਕਹਿਣਾ ਹੈ ਕਿ ਲੋਕ ਉਸ ਨੂੰ ਛੋਟਾ ਹੋਣ ਦਾ ਤਾਅਨਾ ਮਾਰਦੇ ਹਨ, ਪਰ ਉਹ ਲੋਕਾਂ ਦੀਆਂ ਗੱਲਾਂ ਨੂੰ ਧਿਆਨ ਵਿਚ ਨਹੀਂ ਰੱਖਦੇ। ਇਸੇ ਲਈ ਉਹ ਆਈਏਐਸ ਬਣ ਕੇ ਲੋਕਾਂ ਨੂੰ ਦਿਖਾਉਣਾ ਚਾਹੁੰਦਾ ਹੈ ਕਿ ਜੇ ਹੌਸਲਾ ਨੀਵਾਂ ਨਹੀਂ, ਹੌਂਸਲਾ ਬੁਲੰਦ ਹੈ ਤਾਂ ਹਰ ਮੰਜ਼ਿਲ ਹਾਸਲ ਕੀਤੀ ਜਾ ਸਕਦੀ ਹੈ। ਸ਼ਿਓਪਤ ਦਾਦਾ ਦੇ ਪਿਤਾ ਦੌਲਤਰਾਮ ਨੇ ਦੱਸਿਆ ਕਿ ਉਹ ਬਹੁਤ ਗਰੀਬ ਹੈ ਅਤੇ ਦਿਹਾੜੀ ਕਰਕੇ ਹੀ ਗੁਜ਼ਾਰਾ ਕਰਦਾ ਹੈ। ਉਨ੍ਹਾਂ ਕਿਹਾ ਕਿ ਸ਼ਿਓਪਤ ਦਾਦਾ ਦੀ ਇੱਛਾ ਪੜ੍ਹ-ਲਿਖ ਕੇ ਆਈਏਐਸ ਅਫ਼ਸਰ ਬਣਨ ਦੀ ਹੈ। ਪਰ ਆਪਣੀ ਕਮਜ਼ੋਰ ਆਰਥਿਕ ਹਾਲਤ ਕਾਰਨ ਸ਼ਿਓਪਤ ਦਾਦਾ ਨੂੰ ਕਾਫੀ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਜੇਕਰ ਉਸ ਨੂੰ ਸਹਿਯੋਗ ਮਿਲੇ ਤਾਂ ਉਹ ਵੱਡਾ ਅਫਸਰ ਬਣ ਸਕਦਾ ਹੈ। ਜਿਸ ਨਾਲ ਉਸ ਦੀ ਆਪਣੀ ਜ਼ਿੰਦਗੀ ਵੀ ਸੁਧਰੇਗੀ ਅਤੇ ਬੁਢਾਪੇ ਵਿਚ ਵੀ ਉਸ ਨੂੰ ਸਹਾਰਾ ਮਿਲੇਗਾ।