ਪੰਜਾਬ ਪੁਲਿਸ ਦੇ ਕਾਂਸਟੇਬਲ ਭਰਤੀ ਦੇ ਨਤੀਜਿਆਂ ਦਾ ਹੋਇਆ ਐਲਾਨ

ਪੰਜਾਬ ਪੁਲਿਸ ਨੇ ਕਾਂਸਟੇਬਲ ਦੇ ਅਹੁਦੇ ਲਈ ਲਈ ਗਈ ਭਰਤੀ ਪ੍ਰੀਖਿਆ ਦੇ ਨਤੀਜਿਆਂ ਦਾ ਐਲਾਨ ਕਰ ਦਿੱਤਾ ਹੈ। ਜਿਹੜੇ ਉਮੀਦਵਾਰਾਂ ਨੇ ਇਹ ਪ੍ਰੀਖਿਆ ਦਿੱਤੀ ਸੀ, ਉਹ punjabpolice.gov.in ‘ਤੇ ਆਪਣਾ ਨਤੀਜਾ ਦੇਖ ਸਕਦੇ ਹਨ। ਹੇਠਾਂ ਲਿੰਕ ਦਿੱਤਾ ਗਿਆ ਹੈ।
ਪੰਜਾਬ ਪੁਲਿਸ ਕਾਂਸਟੇਬਲ ਭਰਤੀ ਪ੍ਰੀਖਿਆ ਦੇ ਲਿਖਤੀ ਇਮਤਿਹਾਨ ਦੇ ਨਤੀਜੇ 23 ਨਵੰਬਰ ਨੂੰ ਐਲਾਨੇ ਗਏ ਸਨ। ਚੁਣੇ ਗਏ ਉਮੀਦਵਾਰਾਂ ਨੂੰ ਫਿਜ਼ੀਕਲ ਸਟੈਂਡਰਡ ਟੈਸਟ (PST) ਅਤੇ ਫਿਜ਼ੀਕਲ ਮਾਪ ਟੈਸਟ (PMT) ਲਈ 5 ਦਸੰਬਰ ਤੋਂ 15 ਦਸੰਬਰ ਤੱਕ ਸੱਦਿਆ ਗਿਆ ਸੀ।

PET/PMT ਤੋਂ ਬਾਅਦ, ਸ਼ਾਰਟਲਿਸਟ ਕੀਤੇ ਉਮੀਦਵਾਰਾਂ ਨੂੰ ਦਸਤਾਵੇਜ਼ਾਂ ਦੀ ਤਸਦੀਕ ਲਈ ਐਡਮਿਟ ਕਾਰਡ 30 ਦਸੰਬਰ ਨੂੰ ਜਾਰੀ ਕੀਤੇ ਗਏ ਸਨ ਅਤੇ ਇਹ 8 ਤੋਂ 13 ਜਨਵਰੀ, 2024 ਤੱਕ ਲਏ ਗਏ ਸਨ। ਹੁਣ ਪੰਜਾਬ ਪੁਲਿਸ ਦੇ ਫਾਈਨਲ ਨਤੀਜੇ ਐਲਾਨ ਦਿੱਤੇ ਗਏ ਹਨ। ਪੰਜਾਬ ਪੁਲਿਸ ਕਾਂਸਟੇਬਲ ਦੇ ਨਤੀਜੇ ਹਰੇਕ ਵਰਗ ਲਈ ਵੱਖਰੇ ਤੌਰ ‘ਤੇ ਪ੍ਰਕਾਸ਼ਿਤ ਕੀਤੇ ਗਏ ਹਨ। ਨਤੀਜੇ ਦੇ PDF ਵਿੱਚ ਰੋਲ ਨੰਬਰ, ਨਾਮ, ਪਿਤਾ ਦਾ ਨਾਮ, ਲਿੰਗ, ਜਨਮ ਮਿਤੀ, ਸ਼੍ਰੇਣੀ ਅਤੇ ਪੇਪਰ 1 ਦੇ ਆਮ ਅੰਕ ਪ੍ਰਕਾਸ਼ਿਤ ਕੀਤੇ ਗਏ ਹਨ।

ਹੇਠ ਲਿਖੇ ਅਨੁਸਾਰ ਦੇਖ ਸਕਦੇ ਹੋ ਆਪਣਾ ਨਤੀਜਾ

ਪਹਿਲਾਂ, punjabpolice.gov.in ਦੀ ਵੈੱਬਸਾਈਟ ‘ਤੇ ਜਾਓ।

ਭਰਤੀ ਵਾਲਾ ਪੰਨਾ ਖੋਲ੍ਹੋ

‘ਪੰਜਾਬ ਪੁਲਿਸ ਦੇ ਜ਼ਿਲ੍ਹਾ ਪੁਲਿਸ ਕਾਡਰ ਵਿੱਚ ਪੁਲਿਸ ਕਾਂਸਟੇਬਲ 2023’ ਖੋਲ੍ਹੋ।

ਫਿਰ ਉਸ ਸ਼੍ਰੇਣੀ ਲਈ ਮੈਰਿਟ ਸੂਚੀ ਖੋਲ੍ਹੋ ਜਿਸ ਅਧੀਨ ਤੁਸੀਂ ਅਪਲਾਈ ਕੀਤਾ ਹੈ।

PDF ਡਾਊਨਲੋਡ ਕਰੋ।

ਆਪਣੇ ਅੰਕ ਅਤੇ ਚੋਣ ਸਥਿਤੀ ਦੀ ਜਾਂਚ ਕਰੋ।

ਭਵਿੱਖ ਵਿੱਚ ਵਰਤੋਂ ਲਈ,PDF ਦੀ ਇੱਕ ਕਾਪੀ ਸੁਰੱਖਿਅਤ ਕਰੋ।

ਉਮੀਦਵਾਰਾਂ ਨੂੰ ਸਲਾਹ ਦਿੱਤੀ ਗਈ ਹੈ ਕਿ ਉਹ ਹੋਰ ਅਪਡੇਟਾਂ ਲਈ ਨਿਯਮਤ ਤੌਰ ‘ਤੇ ਪੰਜਾਬ ਪੁਲਿਸ ਦੀ ਅਧਿਕਾਰਤ ਵੈੱਬਸਾਈਟ ‘ਤੇ ਜਾਣ। ਉਨ੍ਹਾਂ ਨੂੰ ਭਰਤੀ ਅਥਾਰਟੀ ਦੁਆਰਾ ਸਾਂਝੀ ਕੀਤੀ ਗਈ ਕਿਸੇ ਵੀ ਜਾਣਕਾਰੀ ਲਈ ਆਪਣੇ ਰਜਿਸਟਰਡ ਈਮੇਲ ਪਤੇ ਅਤੇ ਫ਼ੋਨ ਨੰਬਰ ਵੀ ਦੇਖਣੇ ਚਾਹੀਦੇ ਹਨ।