ਨਹਿਰ ਬੰਦੀ ਨੂੰ ਲੈ ਕੇ ਆਈ ਵੱਡੀ ਅਪਡੇਟ

ਫਿਰੋਜ਼ਪੁਰ 21 ਫਰਵਰੀ। ਫਿਰੋਜ਼ਪੁਰ ਫੀਡਰ Firozpur Feeder Canal ਦੀ RD 15 ਤੋਂ RD 55 ਤੱਕ ਹੋ ਰਹੇ ਨਵੀਨੀਕਰਨ ਕਾਰਨ ਚੱਲ ਰਹੀ ਨਹਿਰ ਬੰਦੀ Canal Closer ਸਬੰਧੀ ਵਿਭਾਗੀ ਸੂਤਰਾਂ ਅਨੂਸਾਰ ਜਾਣਕਾਰੀ ਮਿਲੀ ਹੈ ਕਿ ਤਿੰਨ ਦਿਨਾਂ ਵਿੱਚ ਨਿਰਮਾਣ ਕਾਰਜ ਪੂਰਾ ਹੋ ਜਾਵੇਗਾ।

ਫਿਰੋਜ਼ਪੁਰ ਫੀਡਰ  ਵਿੱਚੋਂ ਹੀ ਸਰਹੰਦ ਫੀਡਰ ਅਤੇ ਗੰਗ ਕਨਾਲ Gang Canal or Bikaner Canal ਨਹਿਰ ਨਿਕਲਦੀਆਂ ਹਨ ਜਿਸ ਤੋਂ ਪੰਜਾਬ ਦੇ ਫਾਜ਼ਿਲਕਾ Fazilka, ਸ੍ਰੀ ਮੁਕਤਸਰ ਸਾਹਿਬ, ਫਿਰੋਜ਼ਪੁਰ Firozpur ਅਤੇ ਫਰੀਦਕੋਟ Faridkot ਜ਼ਿਲ੍ਹਿਆਂ ਨੂੰ ਪਾਣੀ ਦੇਣ ਵਾਲੀ ਸਰਹੰਦ ਫੀਡਰ Sarhind Feeder Canal ਦੀ ਸਪਲਾਈ ਬੰਦ ਪ੍ਰਭਾਵਿਤ ਹੈ। ਇਸੇ ਤਰ੍ਹਾਂ ਰਾਜਸਥਾਨ ਦੇ ਜਿਲਾ ਸ਼੍ਰੀ ਗੰਗਾ ਨਗਰ ਨੂੰ ਪਾਣੀ ਦੇਣ ਵਾਲੀ ਗੰਗ ਕਨਾਲ  Gang Canal ਨਹਿਰ ਵਿੱਚ ਵੀ ਫਿਰੋਜ਼ਪੁਰ ਫੀਡਰ Firozpur Feeder Canal ਦੇ ਨਵੀਨੀਕਰਨ ਕਾਰਨ ਚੱਲ ਰਹੀ ਬੰਦੀ ਕਾਰਨ ਪਾਣੀ ਦੀ ਸਪਲਾਈ ਪ੍ਰਭਾਵਿਤ ਹੈ।

ਦੂਜੇ ਪਾਸੇ ਅਗੇਤੀ ਗਰਮੀ ਵਧਣ ਕਾਰਨ ਕਣਕ ਦੀਆਂ ਫਸਲਾਂ ਪਾਣੀ ਦੀ ਮੰਗ ਕਰ ਰਹੀਆਂ ਹਨ। ਅਬੋਹਰ Abohar ਖੇਤਰ ਵਿੱਚ ਕਿੰਨੂ  ਦੇ ਬਾਗਾਂ ਨੂੰ ਵੀ ਪਾਣੀ ਦੀ ਜ਼ਰੂਰਤ ਹੈ ।

ਸਿੰਚਾਈ ਵਿਭਾਗ ਦੇ ਸੂਤਰਾਂ ਅਨੁਸਾਰ ਫਿਰੋਜ਼ਪੁਰ ਫੀਡਰ Firozpur Feeder Canal ਦੇ ਨਵੀਨੀਕਰਨ ਦਾ ਕੰਮ ਆਖਰੀ ਪੜਾਅ ਵਿੱਚ ਹੈ। ਅਤੇ ਆਸ ਪ੍ਰਗਟ ਕੀਤੀ ਜਾ ਰਹੀ ਹੈ ਕਿ 25 ਫਰਵਰੀ ਰਾਤ ਤੋਂ ਇਸ ਵਿੱਚ ਪਾਣੀ ਲੈ ਲਿਆ ਜਾਵੇਗਾ। ਜੇਕਰ ਅਜਿਹਾ ਹੁੰਦਾ ਹੈ ਤਾਂ 27 ਜਾਂ 28 ਫਰਵਰੀ ਤੱਕ ਸਾਰੇ ਖੇਤਰਾਂ ਵਿੱਚ ਪਾਣੀ ਪਹੁੰਚ ਸਕਦਾ ਹੈ।

ਦੂਜੇ ਪਾਸੇ ਰਾਜਸਥਾਨ ਫੀਡਰ ndira Gandhi Canal ਵੀ ਆਖਦੇ ਹਨ ਦੀ 20 ਮਾਰਚ 2026 ਤੋਂ 45 ਦਿਨ ਦੀ ਬੰਦੀ Canal Closer ਪ੍ਰਸਤਾਵਿਤ ਹੈ। ਇਸ ਨਹਿਰ ਤੋਂ ਰਾਜਸਥਾਨ ਦੇ ਖੇਤਾਂ ਦੀ ਸਿੰਚਾਈ ਹੁੰਦੀ ਹੈ। ਇਸ ਨਹਿਰ ਤੋਂ ਖੇਤਾਂ ਲਈ ਪਾਣੀ 15 ਮਾਰਚ ਤੱਕ ਹੀ ਮਿਲੇਗਾ ਅਤੇ ਆਖਰੀ ਪੰਜ ਦਿਨ ਪੀਣ ਦੇ ਪਾਣੀ ਦੇ ਭੰਡਾਰਨ ਲਈ ਇਹ ਪਾਣੀ ਵਰਤਿਆ ਜਾਵੇਗਾ। ਇਸ ਕਾਰਨ ਰਾਜਸਥਾਨ Rajasthan ਦੇ ਕਿਸਾਨ ਚਿੰਤਤ ਹਨ ।

ਦੂਜੇ ਪਾਸੇ ਗੰਗ ਕਨਾਲ ਨਹਿਰ ਵਿੱਚ ਪਾਣੀ ਦੀ ਸਪਲਾਈ ਲਗਾਤਾਰ ਪ੍ਰਭਾਵਿਤ ਹੋਣ ਕਾਰਨ ਗੰਗਾ ਨਗਰ ਇਲਾਕੇ ਦੇ ਕਿਸਾਨਾਂ ਵਿੱਚ ਅਸੰਤੋਸ਼ ਵਧ ਰਿਹਾ ਹੈ ਅਤੇ ਬੀਤੇ ਕੱਲ ਉਹਨਾਂ ਨੇ ਦੋ ਥਾਵਾਂ ਤੇ ਸੜਕ ਜਾਮ ਕਰਕੇ ਆਪਣੇ ਰੋਸ਼ ਦਾ ਪ੍ਰਗਟਾਵਾ ਕੀਤਾ ਸੀ।