ਅਬੋਹਰ ਦੇ ਸ਼ਟਲਰ ਬੈਡਮਿੰਟਨ ਅਕੈਡਮੀ ਦੇ ਕੋਚ ਹੁਣ ਮਾਲਦੀਵ ਵਿੱਚ ਕੋਚਿੰਗ ਦੇਣਗੇ
ਅਬੋਹਰ ਸ਼ਟਲਰ ਬੈਡਮਿੰਟਨ ਅਕੈਡਮੀ ਦੇ ਕੋਚ ਅਮਨ ਤਿਵਾੜੀ ਨੂੰ ਮਾਲਦੀਵ ਵਿੱਚ ਕੋਚਿੰਗ ਦੇਣ ਲਈ ਚੁਣਿਆ ਗਿਆ ਹੈ।
ਇਹ ਜਾਣਕਾਰੀ ਦਿੰਦਿਆ ਅਬੋਹਰ ਸ਼ਟਲਰ ਬੈਡਮਿੰਟਨ ਸਪੋਰਟਸ ਐਸੋਸੀਏਸ਼ਨ ਦੇ ਜਨਰਲ ਸਕੱਤਰ ਡਾ: ਅਮਨਦੀਪ ਸਿੰਘ ਨੇ ਕਿਹਾ ਕਿ ਇਹ ਬੜੇ ਮਾਣ ਵਾਲੀ ਗੱਲ ਹੈ ਕਿ ਉਹ ਇਕ ਛੋਟੇ ਜਿਹੇ ਕਸਬੇ ਅਬੋਹਰ ਵਿਚ ਪਲਿਆ ਅਤੇ ਇਸ ਅਕੈਡਮੀ ਤੋਂ ਖਿਡਾਰੀ ਵਜੋਂ ਸਿਖਲਾਈ ਲਈ, ਫਿਰ ਵੀ ਇਸ ਅਕੈਡਮੀ ਵਿੱਚ ਕੋਚਿੰਗ ਦਿੱਤੀ ਅਤੇ ਹੁਣ ਕੋਚ ਵਜੋਂ ਜਾ ਰਿਹਾ ਹੈ।
ਅਮਨ ਤਿਵਾਰੀ ਨੇ ਦੱਸਿਆ ਕਿ ਉਸਦਾ ਅਧਾਰ ਇਸ ਅਕੈਡਮੀ ਵਿੱਚ ਬਣਿਆ ਹੈ, ਉਸਨੇ ਇੱਥੋਂ ਕੋਚਿੰਗ ਲਈ ਅਤੇ ਫਿਰ ਢਿੱਲੋਂ ਸਰ ਨਾਲ ਕੋਚ ਵਜੋਂ ਕੰਮ ਵੀ ਕੀਤਾ, ਫਿਰ ਨੋਇਡਾ ਕੋਚਿੰਗ ਕੀਤੀ, ਇਸਦੇ ਨਾਲ ਹੀ ਉਸਨੇ NIS ਸਰਟੀਫਿਕੇਟ ਕੋਰਸ ਵੀ ਕੀਤਾ।
ਅਬੋਹਰ ਦੇ ਬੈਡਮਿੰਟਨ ਪ੍ਰੇਮੀਆਂ ਵਿੱਚ ਭਾਰੀ ਖੁਸ਼ੀ ਹੈ। ਇਸ ਮੌਕੇ ਅਬੋਹਰ ਸ਼ਟਲਰ, ਠਾਕੁਰ ਅਬਾਦੀ ਰੋਡ ਦੇ ਸਮੂਹ ਖਿਡਾਰੀਆਂ ਨੇ ਅਮਨ ਤਿਵਾੜੀ ਨੂੰ ਵਧਾਈ ਦਿੱਤੀ ਅਤੇ ਅਬੋਹਰ ਸ਼ਟਲਰ ਐਸੋਸੀਏਸ਼ਨ ਦੇ ਪ੍ਰਧਾਨ ਸ਼ਮਸ਼ੇਰ ਢਿੱਲੋਂ ਅਤੇ ਜਨਰਲ ਸਕੱਤਰ ਡਾ: ਅਮਨਦੀਪ ਸਿੰਘ ਆਂਚਲਾ ਵੱਲੋਂ ਮੋਮੈਂਟੋ ਅਤੇ ਸ਼ੁੱਭ ਕਾਮਨਾਵਾਂ ਭੇਟ ਕੀਤੀਆਂ ਗਈਆਂ।
